විචාරකගේ අඩවිය – සමගාමී බ්ලොගර් අඩවියේ ලිපිනය – wicharaka.blogspot.com


  මීට ඉස්සෙල්ලා නම්, සති අන්තයේ කියවන්න කියලා ලිව්වේ, ඉංගිරිස් කතා නේ. අදනම්, අමු හිංගල එව්වා ටිකක් තමා ලියන්නේ. 

   මෙන්න මේකයි කටන්තරේ. ඊයේ පෙරේදා දවසක ලෙඩ බඩුවක් බලන්ඩ ……හුටා, ලෙඩෙක් බලන්ඩ මම ගියා, කුරුණෑගල ඉස්පිටිතාලෙට. අප්පොච්චියේ……… රුපියල් කෝටි සීයක් විතර වැය කොරලා, ඉස්පිටිතාලේ ‘නවීෆයි’ හෙවත් ‘මොඩිකරණය’ කරනවා මේ දවස්වල. එහෙං මෙහෙන් පලංචි අස්සෙන් රිංගලා තමයි, ඉස්පිටිතාලෙට ඇතුල්වෙන්ඩ සිද්දවෙලා තියෙන්නේ. 

   ඉතිං අර වැඩකරන බාස් උන්නැහේලාගෙන්, මිටි පාරක්, කියත් පාරක්, $$#@#නියන් පාරක් නොකා, ලෙඩා බලලා එනගමන් දැක්කා, විසාල බිත්තියක් පිරෙන්ඩ, නානාප්පොරකාර පෝස්ටර් ගොඩක් අලවලා තියනවා. මම හිතුවේ, රජයේ වෙද (වීදි?) සටන් සේවා සංගමයේ හෝ, හාමුදුරු නේස් සංගමයේ යුද්ධ ප්‍රකාශන තමා තියෙන්නේ කියලා. 

   ඔහෙලට මතකද දැන් ටික දවසකට කලින්, මාජ්ජ ඔස්සේ පොරකාස කෙරුනා, පරිභෝජනය සඳහා වෙළඳපොළට ඉදිරිපත් කරන, පැණිරස බීම වර්ග වල, (නෑ නෑ, එව්වා නෙවෙයි. එව්වා පැණිරසද මොන #$#@ රසද කියලා, ඕන්නං අර අටමගෙන් අහගන්නවා හොඳයි. මොකෑ ආයේ අපි ඔව්වා බොනවා කියලයැ. මගේ බල්ලවත් බොන්නෙ නෑ, මම බිව්වොත් මිසක්) තිබෙන සීනි ප්‍රමාණය, වර්ණ කේතයක්ද මොකද්ද එකකින් දාන්ඩ කියලා. අනේ මන්දන්නෑ, කේත නෙවෙයි හොම්බට දමලා ඇනලා කිව්වත්, අපේ මිනිස්සු මෙව්වා නොබී ඉඳියිද කියලා.

   බැලින්නං ඔය බෝතල්වල, පැකට්වල, ලස්සනට පාට පාට හිටින්ඩ අහුරලා තියන බීම වර්ග වල, කොච්චර සීනි තියනවද කියලා, ටිකක් පොරෝජන් තොරතුරු තියනවා. ඇදලා ගත්තා පෝං එක. කෙලියා පොටෝ ටිකක් පට පට ගාලා. 

   ඔන්න ඒ ආශ්‍රයෙන් තමයි පල්ලෙහා තියන තොරතුරු ටික ලියන්නේ. 

   මිලි ලීටර් 200 ක අඩංගු සීනි ප්‍රමාණය, තේ හැඳි සහ ග්‍රෑම් වලින් දක්වන්නේ.  

Coca Colaකොකාකෝලා 

සීනි තේ හැඳි 9.5

ග්‍රෑම් 33.7

 

 

 

Mirinda මිරින්ඩා 

සීනි තේ හැඳි 6.8 

ග්‍රෑම් 16.1 

 

 

 

MD Necter

MD Mixed Fruit Nectar

සීනි තේ හැඳි 7.7  

ග්‍රෑම් 16.9 

 

 

 

Minute Maid

Minute Maid Mango

සීනි තේ හැඳි 6.3  

ග්‍රෑම් 13.3

 

 

 

 

Necto

අලියා බීම ‘නෙක්ටෝ’

සීනි තේ හැඳි 6.3  

ග්‍රෑම් 13.3

 

 

 

 

Cream Soda අලියා ක්‍රීම් සෝඩා 

සීනි තේ හැඳි 6.0   

ග්‍රෑම් 12.5 

 

 

 

 

Fanta ෆැන්ටා 

සීනි තේ හැඳි 5.4    

ග්‍රෑම් 11.9

 

 

 

 

Pepsi

 පෙප්සි 

සීනි තේ හැඳි 5.2    

ග්‍රෑම් 11.7 

 

 

 

 

Smak ස්මැක්

සීනි තේ හැඳි 5.2    

ග්‍රෑම් 11.7 

 

 

 

 

Highland Milk හයිලන්ඩ් රස කල කිරි 

සීනි තේ හැඳි 5.1   

ග්‍රෑම් 11.0 

 

 

 

 

Kotmale Milk

කොත්මලේ 

චොක්ලට් රස 

කිරි 

සීනි තේ හැඳි 5.1   

ග්‍රෑම් 11.0 

 

 

 

EGBඅලියා ජින්ජර් බියර්

සීනි තේ හැඳි 5.0    

ග්‍රෑම් 10.5 

 

 

 

 

Daily

ඩේලි

රස කළ කිරි 

සීනි තේ හැඳි 4.8    

ග්‍රෑම් 10.1

 

 

Sprite ස්ප්‍රයිට් 

සීනි තේ හැඳි 4.2     

ග්‍රෑම් 10.0 

 

 

 

 

 

P & S Iced Coffee

P & S 

Iced Coffee

සීනි තේ හැඳි 4.2     

ග්‍රෑම් 10.0 

 

 

 

Milo

 මයිලෝ 

සීනි තේ හැඳි 3.9     

ග්‍රෑම් 9.1

 

 

 හොඳයි, තමුන්නාන්සේලා මෙව්වා වැඩි වැඩියෙන් බොනවා හොඳයි හිටං. තමුන්නාන්සේලාගේ ළමයින්ටත් පොවනවා හොඳයි හිටං. 

ඊළඟ කටන්තරේ

   ඊළඟ කටන්තරේ මෙන්න මේකයි. දන්නවානේ අර ‘අද ද රෙන’ එකේ ඉන්න ‘ගඩොල් බාගයා’? ඔව් ඔව්, අර තරබාරුකොම නිසාම, නිකං තැම්බ ගැහුවා වගේ ඉඳගෙන, බුග් බුග් ගාන එකා. මේකා අර ගඩොල් බාග කතාවෙන් පස්සේ, හොඳටම සවුත්තු වෙලා, යන්තම් ආපහු ඇතුළට රිංගා ගත්තානේ.  

   මූ ඊයේ පෙරේදා දවසක පත්තර කියවන ගමන්, අර මෙලෝ රහක් නැති ඩිලාන් ගොයියා, කොහෙද ඉස්කෝලෙක ශාලාවක හිටං, කොරපු කතාවක්, ප්‍රවුර්ති වලට පෙන්නුවා. ඒ කතාව කොරන තැන පසුබිමේ බිත්තියේ ලියලා තිබුණා සරණයි කියන වචනය. ගඩොල් බාගයා කියනවා, ඒ පසුබිමේ ලියලා තිබුණේ, ආණ්ඩුවට අබ සරණයි කියලද දන්නේ නැහැ කියලා. ඒ ප්‍රොවුර්තිය, වෙනත් බටයක හෙවත් නාලිකාවක, නැවත විකාරය විකාශනය වෙන වෙලාව බලලා මම අල්ලාගත්තා, ගඩොල් බාගයා ගහපු අජාසත්ත බොරුව. 
   ඒ බිත්තියේ පොඩි බුදුපිළිමයක් හයිකොරලා තියනවා. ඊට යටින් ලියලා තියෙන්නේ, ‘බුදු සරණයි’ කියන වචනේ. ඒකෙ සරණයි කියන කෑල්ල අල්ලාගෙන තමා, ගඩොල් බාගයා මේ මඩ පාරක් ගහන්නේ. මූ තවම ඉන්නේ වනචර දශකයේ බවයි පෙනෙන්නේ.
   මෙන්න බලන්න සැබෑ පින්තූරේ. අද ද රෙන බටයේ මේක පෙන්නුවේ, බුදු පිළිමය පෙනෙන කොටසේ කතාව සංස්කරණය කරලා.  ඒ මදිවට ගඩොල් බාගයා කියනවා, ඩිලාන් ගොයියා, විප්ලවවාදීන් අඳින තොප්පියක් දාගෙන ඉන්නවලු. මේකා දන්නේ නැහැ, මේකට කියන්නේ, ‘ගොල්ෆ් කැප්’ කියලා බව.
DSC_0003

අවසාන වාර්තාව

    සැටලයිට් සිංග්ලිෂ් තවම හරිගිහින් නෑ අනේ. මම කලිනුත් පෙන්නුවානේ. මේ බලන්නකෝ, ‘මෘගාංගනාවියක්’ කියන වචනේ තවමත් හරියට ලියාගන්න බැරුව දඟලන හැටි. එක් ‘මුර්ගානංගියක්’ කියලා ලියලා තියෙන්නේ. ‘මුරුංගා නංගියක්’ කියලාවත් ලිව්වනම්, හොදි හදන්නවත් තිබුණා.

ගොහිල්ලා එඤ්ඤං ඈ.

2016 අගෝස්තු මස 25 වැනි දින 2339 පැය 

 

 

Advertisements

Comments on: "සති අන්තයේ කියවන්න යමක්" (12)

  1. හිනා වෙන්ඩත් යමක් තියෙන්න ඕනම තමයි විචාරකතුමා

  2. thank you sir, oyage blog eke oluwata da ganna deyak thiyenawa ..

  3. Pashath bagaaya dena eke seemawak nane

  4. නියමයි විචාරක තුමා. වර්තමානයේ රෝහල්වලට ඇතුළත් වන රෝගීන්ගෙන් සියයට 70 ක් ම බෝ නොවන රෝගවලට ගොදුරුවෙලා කියනවා. එම තත්ත්වයෙන් ජනතාව බේරාගැනීමේ පියවරක් විදිහට බීම සහ ආහාරවල සීනි අවම කිරීමේ වැඩපිළීවෙල ක‍්‍රීයාත්මක කරන්නම ඕන. සෑම බීම වර්ගවලම අඩංගු සීනි ප්‍රමාණය වර්ණක තීරුවකින් එහි ලේබලයේ සටහන් කළ යුතු බව සෞඛ්‍ය අමාත්‍යංශය විසින් ගැසට් පත්‍රයක් මගින් අනුමත කරලා තියෙනවා. ඒත් මං දැක්කා තැනක තියෙනවා වෙලඳසැල් වල විකුනන බීම වර්ග වල මේ විදිහට වර්ණක තීරුවකින් එහි අඩංගු සීනි ප්‍රමාණය සටහන් වෙලා නැත්නම් වෙලඳසැල් හිමියන්ට නඩු දානවා කියලා. ඒක හරියට පය බරවායට පිටිකර බෙහෙත් බඳිනවා වගේ වැඩක්. මොකද ඒවා හදන සමාගම් වලට නඩු දාන එක නෙවද කරන්න ඕන..

    • නඩු දැමීම කියන්නේ සෞඛ්‍ය අධ්‍යාපනයට අදාළ දෙයක් නෙවේ. ඒ වැඩේ අදාළ අංශ වලට බාරදීලා මහජනතාව දැනුවත් කිරීමයි වැදගත්.

      රෝහල් ආපනශාලා වලත් මේ දහ ජරාවල් විකුණන්න තියනවා.

  5. සර් මොකෝ මේ මෘගාංගනාවියක් බලන්නේ ,
    එකේ දැරිවි ඉස්සර නම් හරිම හැඩයි ,
    දැන් ඉතින් සුද්දගේ රටේ නෙවෙ ඉන්නේ 🙂 🙂

    සැර ජාති වල නම් සිනි හෙන අඩුයි ඔන් 🙂
    දේශපාලනේ නම් එපාම එපා

    • බලන්නෑ බලන්නෑ, චැනල් මාරු කරනකොට දකින දේවල් මේ. ඔය කිව්වේ අර, ‘උදරයටත් සෞම්‍ය’ එක්කෙනා නේද?

      දැන්නම් මම සැර ජාතිත් ටිකක් ආශ්‍රයෙන් ඉවත් කරලා තියෙන්නේ.

  6. mata blog ekak hada ganna udaw karanna puluwanda?

ප්‍රතිචාරයක් ලබාදෙන්න. විවේචනය කරන්න. සංවාදයට එළඹෙන්න. යෝජනා ඉදිරිපත් කරන්න.

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )

%d bloggers like this: