විචාරකගේ අඩවිය – සමගාමී බ්ලොගර් අඩවියේ ලිපිනය – wicharaka.blogspot.com


56   ඔව් ඉතින්, එදත් අදත් අපි, නොයෙක්විට, විවිධාකාර හොල්මන් දකිනවනේ. එදා අපේ කාලෙත්, පාරේ යනකොට දකින සමහර අය, මනුස්සයෙක්ද හොල්මනක්ද කියලා හිතාගන්න බැරි අවස්ථා තිබුනා. ඉතින් අදත් එහෙම වෙන එක පුදුමයක් නෙවෙයි. වැඩේ කියන්නේ, පණපිටින් ඉන්න මනුස්ස පරාණ, හොල්මන් වගේ පෙනෙන එකයි. බොහෝවිට ඒ සඳහා බාලපාන්නේ ඇඳගෙන ඉන්න ඇඳුම් සහ බාහිර පෙණුමයි. ‘අඳින්න මිනිගවුම අඳින්න’ කියලා ඇන්ටන් ජෝන්ස් කියන සින්දුවෙත්, මිනි සහ මිණී දෙක පැටලිලා සිද්ධවෙන අවුලක් ගැන කියනවා නේද?

Scan_20151027_104524   හොඳයි, මේ චූර්ණිකාව කිව්වේ, අද මා ඔබවෙත ගෙන එන අසහාය ලේඛක, චන්ද්‍ර අනගිරත්න මහතාගේ, ‘නරලොව හොල්මන්’ කෘතිය ගැන කතා කරන්නයි. අපි පාසල් සිසුන් ලෙස, එතුමාගේ නිර්මාණ රසවිඳි ආකාරය තවමත් මතකයි. ‘සීමාසහිත ස්වාධීන පුවත්පත් සමාගම’ හෙවත්, ‘දවස නිවස’ වෙතින් පළකෙරුණු, සති අන්ත පුවත් පතක් වන, ‘රිවිදින’ පුවත්පතේ පළවුණු, හාස්‍ය රසයෙන් අනූන මෙම නිර්මාණ, එකල අපේ සිත් තදින්ම බැඳගත් බව, නොකියාම නොහැකියි. ලංකාවේ ඉරිදා නිවාඩු දිනය වෙනුවට, පෝය දින නිවාඩුව ක්‍රියාත්මක වීමෙන් පසු, රිවිදින පුවත්පත ‘රිවිරැස’ යනුවෙන් නම් කෙරුණා.

   මෙහි මා දක්වන එතුමාගේ ලිපි එකතුව, එසේ පසුකාලීනව රිවිරැස පුවත්පතට ලියන ලද ලිපි බව මෙම කෘතියේ සඳහන් වෙනවා.

Scan_20151027_104343

Scan_20151027_103503    මෙය, මෙතුමාගේ ලිපි එකතු වශයෙන් පලකළ, තුන්වැනි කෘතියයි. මෙහි 1 සහ 2 කොටස් සොයාගන්නට, මට තවමත් නොහැකි වුන බවත්, කණගාටුවෙන් සඳහන් කරනවා. ඒ කාලයේ, මෙම ලිපි, සති අන්තයේ පළවූ පසු, ඉතා පුළුල් ලෙස, එම ලිපි පිළිබඳව, සමාජයේ කතාබහට ලක්වුණා. එයට ප්‍රධාන වශයෙන් හේතුවුණේ, රූපවාහිණිය එකල මේ රටේ නොතිබීම, ගුවන්විදුලිය සීමිත පිරිසකට පමණක් අසන්නට ලැබීම, ග්‍රාමීය ජනතාව පවා, සෑහෙන දුරට පුවත්පත් කියවීම, යන සාධකයි. මෙම ලිපි වලින්, ඉතා ගැඹුරු දේශපාලන ප්‍රහසන, සමාජ ප්‍රහසන, කාලීන සමාජ ගැටළු, මොනවට නිරූපණය කෙරුණා. ඒ නිසාම, ඒ ලිපි තදින් ග්‍රහණය කරගන්නට, ජනතාව පෙළඹුණා යයි කීම නිවැරදියි.

   එතුමාගේ සමහර ලිපි සමහරෙකුට පිස්සු විකාර මෙන් පෙනෙන්න ඇති. ඒ නිසා එතුමා මේ පොත මෙන්න මේ ආකාරයට පිළිගන්වා තිබෙනවා. 

Scan_20151027_103944

   චන්ද්‍ර අනගිරත්න මහතා සෑහෙන ග්‍රන්ථ සංඛ්‍යාවක් නිර්මාණය කර තිබෙනවා. මේ බලන්න.

Scan_20151027_104204

   ශ්‍රී ලාංකීය සමාජයේ පැවැත්ම ගැන සලකා බැලීමේදී, මේ ලිපිවලින් බහුතරයක්, සර්වකාලීන වටිනාකමකින් යුක්ත බව, නොකියාම බැහැ. නරලොව හොල්මන් 3 කෘතියෙන් උපුටාගත් ලිපියක්, ඔබ වෙත ඉදිරිපත් කරන්නට මා සිතුවේ, වර්තමානයේදී අපේ සමාජයේ කතාබහට ලක්වන මාතෘකාවක්, එදත් සාකච්ඡාවට භාජනය වී තිබුණු ආකාරය ඔබට පෙන්වා දෙන්නටයි. මේ දිනවල, ජනමාධ්‍ය, නීතිය, පොලීසිය, මහජනතාව සම්බන්ධ විවිධ දේශපාලන මතිමතාන්තර කැටිවූ ලිපි, පුවත්පත්වල මෙන්ම අන්තර්ජාලයේත් දකින්නට ලැබෙනවා. බලන්න පහතින් දක්වා ඇති ලිපිය, මා ඉහත සඳහන් කලාක් මෙන්, සර්වකාලීන වටිනාකමක් නැද්ද කියා. 

Scan_20151027_105330 Scan_20151027_105517 Scan_20151027_105759 Scan_20151027_105942 Scan_20151027_110126 Scan_20151027_110304 Scan_20151027_110439

ඔන්න ඔහොමයි චන්ද්‍ර අනගිරත්න මහත්තයාගේ කතා.

2015 නොවැම්බර් මස 07 වැනි දින 2301 පැය 

Advertisements

Comments on: "නරලොව හොල්මන් දැකලා තියනවද?" (6)

  1. මතකයේ සිටිය යුතු ලේඛකයෙක් ගැන තැබූ කදිම සටහනක් විචාරකතුමා

    • ඔව් ගුණසිංහ මහත්මයා. මේ වගේ අය ගැන මතකය දැන් මැකීයමින් පවතින්නේ. ඒ නිසා මෙවැනි මතක් කිරීම් කලයුතුයි.

  2. විචාරක නරලොව හොල්මන් නමින් වෙබ් සයිට් එකක් තිබුනා. එකෙ කතා pdf විදියට ඩවුන්ලෝඩ් කර ගන්න පුලුවන් කම තිබුන. දැන් search කළාම ඒ සයිට් එක නෑ. ඒත් මේ ලින්ක් එකෙන් ඩවුන්ලෝඩ් කරන්න පුලුවන්.
    https://docs.google.com/folderview?id=0B0yij3lL_QrPN2E1NDJhZjUtYjY3MC00MzkzLWFkODgtMWZiYWYyMjU1ZDBl

  3. ඔව්ව්ව් අපේ ගෙදර එහා පැත්තේ අක්කා.. නියම නරලොව හොල්මන​

ප්‍රතිචාරයක් ලබාදෙන්න. විවේචනය කරන්න. සංවාදයට එළඹෙන්න. යෝජනා ඉදිරිපත් කරන්න.

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )

%d bloggers like this: